საქანაო თაღი

შეკვეთის მიწოდების დრო: 5-7 სამუშაო დღე

პიკლერის თაღი შექმნილია ბავშვის ფიზიკური განვითარების, დამოუკიდებლობისა და წარმოსახვითი თამაშის ხელშეწყობისთვის. იგი პირველად 1930-იან წლებში უნგრელმა პედიატრმა ემი პიკლერმა შექმნა. მას სჯეროდა, რომ ბავშვებს უნდა მიეცეთ თავისუფლება გადაადგილდნენ და გამოიკვლიონ გარემო საკუთარი ტემპით. ამ ტიპის კვლევა გადამწყვეტია ბავშვის ფიზიკური, ემოციური და კოგნიტური განვითარებისთვის.

თაღი თავისი უნიკალურობიდან და მრავალფუნქციურობიდან გამომდინარე გამოიყენება 0-დან დაახლოებით 5-6 წლამდე. 

საფეხურებზე შესაძლებელია დაიკიდოს სხვადასხვა სათამაშო, რომლებიც თაღის ქვეშ დაწოლილი ახალშობილის ყურადღებას მიიქცევს, ეს მას დაეხმარება ფერისა და ფორმის დიფერენცირებაში, თვალებისა და ხელების კოორდინირებაში. ბავშვის ზრდასთან ერთად თაღის გამოყენება მეტ დატვირთვას იძენს. ის ხდება საყრდენი პატარას დგომისა და სიარულის სტიმულირებისთვის. მასზე აცოცება გაუძლიერებს კუნთებს, წონასწორობასა და სივრცის აღქმის უნარს. ხოლო მისი ამოყირავების შემთხვევაში, ბავშვებს შეეძლებათ გამოიყენონ ის, როგორც საქანელა.

პიკლერის თაღი ავითარებს ბავშვის ფანტაზიას და მის შემოქმედებით შესაძლებლობებს.  მაგალითად, თაღი შესაძლოა გადააქციონ ხიდად, გვირაბად, ციხე-სიმაგრედ, ფეხბურთის კარებად და ა.შ. ნატიფ და უხეშ მოტორულ უნარ-ჩვევებთან ერთად თაღი ეხმარება სოციალური უნარებისა და ემოციური ინტელექტის განვითარებას, როდესაც მისი გამოყენებით ბავშვები ერთმანეთთან ურთიერთობენ.

ჩვენი თაღი შექმნილია ეკოლოგიურად სუფთა არატოქსიკური მასალისგან. იდეალურ დამუშავებასა და მყარ კონსტრუქციასთან ერთად ეს ბავშვის უსაფრთხოების გარანტიაა.

თაღის ზომები: სიმაღლე 50სმ / სიგანე 97სმ / სიღრმე 60სმ

*ღირებულება არ მოიცავს თაღის ბალიშებს